香港新浪網 MySinaBlog
Helen | 21/01/06 | 雜談 | (1446 Reads)

呢排忙得滯, 連圖都懶得cap, 淨係講講算啦...

第12集...唔係好記得做過乜嘢添...係啦, 巧海同真白認識, 不過未知各自的身份, 於是真白就話自己係妮娜...而艾莉嘉同晶各自扮演女王同王子 (唔...唔通艾莉嘉先係真正的女王, 而真白的真正身份是"妮娜", 咁妮娜又係咩?)...最後巧海同晶重遇, 知道他倆相戀的真白好唔開心, 而巧海亦講出他想找姐姐的原因 (為舞衣的出場埋下伏線?)...唔, 巧海對HiME的放棄態度令人很懷疑舞衣遇上了甚麼遭遇...

 第13集, 可能見茜在前一輯好慘咁, 於是整呢集出嚟, 講她為愛情不做乙HiME...另外綠色頭髮女孩原來是對靜留有好感, 所以先不滿艾莉嘉可以同靜留親密一起? 乜佢唔知靜留最喜歡的是誰嗎, 還是另有原因...

第14集, 一開始就講乙HiME開戰, 同埋不同勢力蠢蠢欲動...知道了舞衣失蹤的原因 (証明她有機會再出場, 因為她只是失蹤?)...艾莉嘉喜歡了"長腿叔叔"絕對係擺到明...綠色女孩又利用人陷害艾莉嘉...劇情都係好多嘢唔講明, 不過去到最尾, 婆婆話, 戴住蒼天之青玉的是真正的公主/女王, 係咪真定又故弄玄虛?...

第15集...唔, 塞魯哥擺明想利用艾莉嘉, 但又冇落手, 點解? 同埋點解佢對上司言聽計從, 而佢波士今輯又有乜嘢陰謀?...想不到艾莉嘉同真白因為有一樣的煩惱而變得更加friend, 究竟她們的友情又會唔會再起變化?...還有今次粒"媛星"個個都望到, 還有那首"詩", 究竟今次"媛星"是帶來幸福, 還是災害? 還有婆婆身邊那個金髮小孩是誰?

又是打了很多問號, 希望劇情唔好再拖太耐, 唔係真係睇到冇心機

 


Helen | 07/01/06 | 淺動漫談 | (9627 Reads)

雖然劣評如潮的 “Gundam Seed Destiny” 本該早早結尾,不過唔知係想作多點解畫定係福田本身對個結局或者某些場面唔滿意,就整咗一個所謂「新」嘅結局出嚟,叫做Final Plus。整個新結局同之前嗰個唔係爭好遠,不過有些地方自然有所補充:

1. 阿斯蘭「出征」前,同基拉、莉古絲一齊告別卡嘉蓮的一幕,插入卡嘉蓮分別主動擁抱基拉和莉古絲的鏡頭。之後…阿斯蘭主動擁抱卡嘉蓮,相信一眾「粉絲」見到這幕,應可粉碎他倆變心的傳言 (不過阿斯蘭有冇「偷食」就唔知…)

GSD Final plus 1

2. 唔知福田定粉絲們覺得阿斯蘭喺舊結局太少戲份,於是佢無端端突入基拉、雷同議長講數的場面中,保護基拉又唔係,射死議長又唔係,淨係攞住支槍企喺度…跟住被艦長「趕走」嗰陣都係好似舊木咁,唔明插佢入嚟做乜 (真係好似See-Saw首歌咁,「兄弟」拍住上嗎?)…不過,其他方面佢都做得幾好,例如新加佢救露娜同真的一幕顯出他的風度

GSD Final Plus 2

3. 打完之後,例牌講和,例牌要去紀念碑前拜祭…在奧布的紀念碑前,基拉同真終於見面了。在霍克姊妹、阿斯蘭同莉古絲見證下握手而和。最後基拉邀請他「一齊戰鬥」,是表示有第3輯的可能嗎?

GSD Final Plus 3

4. 但係鏡頭一轉,似乎好難有第3輯…莉古絲成了Plant議長,卡嘉蓮繼續領導奧布…兩大「和平」領袖終於名正言順坐正做女皇 (唔知兩位男角去咗邊? 喺屋企做家務? 定係做幕後黑手?), 除非有新的敵人,或者福田在粉絲的抗議聲中殺咗佢哋,如果唔係應該天下太平

GSD Final Plus 4   GSD Final Plus 5

總括而言,除了以上幾點,新的結局實在沒有太大驚喜,反而覺得如果可以加多啲鏡頭講吓其他人嘅戰後生活,或者再講多少少幾位主角的去向,可能會更有吸引力……反而有興趣傳聞中,進藤尚美同福田反面,結果最尾幾集連聲都冇,甚至新結局都冇聲出,連戲份都比人搶埋,實在令到結局失色不少 (聽講連真的配音員都同福田反面,所以基拉就喺佢手上重奪主角位置)。如果真係有第3輯,千祈唔好再搵福田做監督,同埋劇情要有突破先好,如果唔係都係作過第2個故事算啦…

(圖片為cap圖)